Skip to main content

Play Straight for Pay

Sa Amerika, nauso ang katagang "gay for pay" kung saan ang isang straight na porn actor ay makikipagtalik sa kapwa lalake kapalit ang mataas na talent fee. Ika nga ng isang gay for pay actor, para lang kumita siya sa straight porn nang katumbas ng isang sex scene sa kapwa lalake, kakailanganin niyang makipagtalik sa 20 babae. Sasabihin ng iba, "Dude, ano'ng masama sa pakikipagsex sa 20 babae?" Pero kamusta naman ang mas mataas na risk na makakuha ng sexually transmitted infections, hindi ba?



Matindi ang debate sa isyung ito, pero iba ang kaso sa Pilipinas. Dahil hindi ang mga lalake ang willing magpakabakla para kumita nang malaki, kundi ang mga bakla mismo ang mag-aastang straight para lamang makakuha ng mas mataas na trabaho o mataas na suweldo. Play straight for pay, ika nga ni Tita Mandaya Moore.

Naalala ko tuloy noong nasa kolehiyo ako. Isang bading sa aming unibersidad ang lumikha ng ingay sa media noong dekada 90 sa pagsampa niya ng demanda laban sa isang eksklusibong club sa Ortigas. Itinanggi siyang papasukin sa loob ng establisimiyento dahil nakasuot-pambabae siya.

Madalas siyang tumambay noon sa parlor ni Mama Tanya sa likod ng UST, mahaba ang kanyang buhok, makinis ang balat, ang uniporme'y panlalake ngunit minodipika upang magmukhang pambabae. Hindi man umusad ang kaso't sa kalauna'y nagsara ang club, tiningalaan siya ng mga kapwa bakla sa pakikipaglaban niya para sa karapatang pambakla.

Ngunit ilang buwan ang lumipas mula nang magtapos siya sa kursong Sosyolohiya, napagawi muli ako sa tambayang parlo at naroon muli siya. Sa pagkakataong ito, nkabihis lalake na siya. Ang mahabang buhok ay iginupit upang maging flat top, nakapolong mahaba ang manggas at pantalong itim. Ang kanyang balat ay bumabakbak, nangangahulugang itinigil na rin niya ang pag-inom ng gamot upang maging ganap na babae siya.

Naawa ako sa kanya. Kinailangan niyang iwan ang kanyang anyong babae para lamang kapantay ang mga katrabaho at maging angat pagdating sa pagkakaroon ng mataas na posisyon sa trabaho. Itinawag ko itong pagkukunwaring maging straight, gaya ng kung paano magkunwaring bakla ang mga aktor sa pornograpiya.

Hindi ko na alam kung ano na ang nangyari sa kanya magmula noon. Ako naman ay nakapagtapos at naghanap ng trabaho. Minsan, umaplika ako sa isang online company sa Ortigas at itinanong nila kung mayroon akong blog. Sa puntong iyon, nag-alinlangan akong ibigay ang aking blog na umaapaw sa kabaklaan. Natakot ako na baka kapag nalaman nila ang aking pagiging bakla ay hindi ako matanggap sa trabaho. Sa kabilang banda, gusto ko namang ipakita ang aking perisiya at abilidad sa pagba-blog. Inisip ko kung ibigay ko na lang ang aking di-aktibong blog na hindi kasing landi.

Sa kalaunan, ibinigay ko ang aking tunay na blog. "You have a pretty loud blog," sabi ng hiring officer.

Wala akong narinig mula sa kanila magmula noon.

Comments

bananas said…
sana sinagot mo--i am louder in person, i am afraid you wont hear yourself anymore after you get to talk to me--in person!!!
Anonymous said…
Panalo tong post na to! waging wagi!
Empress Maruja said…
@ bananas - Nang sinabi ko sa kanila ang blog ko, I warned them na it's loud. I told Kiks about it. Sabi niya it's the right decision para naman makita nila ang personality mo. Kung hindi nila ako tinanggap because of my blog, that's their problem.

@ sassyqarla - Salamat, kapatid!
ay, tambay ka pala sa parlor sa likod ng uste? kahilera ng parlor ni madame auring ang boarding ko noon. hehe

nice post dear
Anonymous said…
nice one..

buti na lang one year nko sa work nun when i started blogging. Ü

Popular posts from this blog

Mga parausang lumang sinehan

NAG DESISYON na ang Korte Suprema na labag sa Konstitusyon ang ordinansa na nagbabawal ng short time sa mga motel sa siyudad ng Maynila. Wala na ring balak pa umanong maghain ng apela si mayor Alfredo Lim sa naturang desisyon. Nagbabala naman si Lim na handa niyang ipasara ang anumang motel sa lungsod ng Maynila sakaling may makita sila na pinapayagan na magpapasok ng mga estudyante para magshort time. Pero, teka, ito talaga ang pakay ko, ang mga lumang sinehan sa Metro Manila. Taong 2005, balak ko na itong iparating sa dati kong boss na Kongresista, ang patuloy na pamamayagpag ng mga lumang sinehan sa Maynila. Subalit, may tila tinik sa aking lalamunan na nakabara. Tila, wala akong boses sa tuwing ako ay maghahanda sa aking mga sasabihin. Tila, nakagapos ang aking mga kamay para isulat ang mga hakbang na dapat kong irekomenda para masulosyunan na ito. Alam ko, ikaw ay pamilyar ukol sa mga lumang sinehan sa buong Kamaynilaan. Sa unang pasok ko sa ganitong sinehan, ako ay tuwang tuwa.

PILIPINAS, TUNAY NGA BANG MALAYA NA?

NGAYON ANG IKA 111st NA ANIBERSARYO NG ARAW NG KALAYAAN NG PILIPINAS. Ngunit, sa paglipas ng isang daan at labing isang taon, tunay nga ba tayong malaya na? May mga pagkakataong gusto kong isipin na hindi na tayo nakagapos sa mga bansang banyaga dahil nagkaroon na tayo ng kalayaan sa pamamalakad ng gobyerno. Ngunit, ano ang kalagaya n ng mga Pilipino ngayon? Mayroon na nga ba siyang dangal na matatawag? Taas noo na nga ba ang bawat Pilipino kahit kanino? Sa mga nakalipas na araw, samu’t saring problema ang dinaranas ng ating bansa. Mga problemang lalong nagpapalugmok ng bawat mamamayan. Mga problemang animo’y walang ka tapusan. Paano babangon ang isang Juan dela Cruz kung mismong mga namumuno sa ating bayan ang nagbabangayan? Paano tayo makakalaya kong mismong mga halal ng bayan ang siyang nanguna upang itali ang bawat mahihirap na pinoy sa kanilang pamamahala? Paano na ang walang tigil na pagbulusok ng presyo ng mga pangunahing bilihin? Ang walang humpay na pagtaas ng gasolina. Paano

Rainbow Blog of the Week

The search is on for the most anticipated competition in the world of blogging parrots. Presenting..... Rainbow Blog of the Week Mechanics. Nomination 1. All members/supporters/visitors are welcome to submit their nominations on the comment page of "Rainbow Blog of the Week". 2. All submitted links or nominations are subject for verification and authenticity. 3. Only the fist five nominees will be accepted every week. 4. The lists are then consolidated and submitted to the screening commitee. 5. All blogs that are previously nominated can be nominated again, except the blogs who won the Rainbow Blog of the Week for three (3) times. Voting 1. Everyone can vote on a daily basis. 2. The poll result shall constitute 40% of the total score. Criteria for judging Aside from the number of votes garnered from the poll, nominees are also given additional points by the judges based on the following criteria. There shall be three (3) to five (5) judges and the average of their scores for